സായ് പല്ലവിയുടെ സഹോദരി പൂജ കണ്ണന്റെ വിവാഹനിശ്ചയം കഴിഞ്ഞു. പ്രേമം, കലി, ഫിദ, ലവ് സ്‌റ്റോറി, ശ്യാം സിംഹ റോയ് തുടങ്ങിയ ചിത്രങ്ങളിലെ മികച്ച പ്രകടനത്തിലൂടെ ഇന്ത്യൻ സിനിമാലോകത്ത് ശ്രദ്ധേയയായ നടി സായ് പല്ലവിയുടെ ഇളയ സഹോദരി പൂജ കണ്ണൻറെ വിവാഹ നിശ്ചയം അടുത്തിടെയാണ് നടന്നത്.
‘ചിത്തിരൈ സേവ്വാനം’ എന്ന ചിത്രത്തിലൂടെ തമിഴ് സിനിമാലോകത്തും തന്റേതായ വ്യക്തിമുദ്ര പതിപ്പിച്ച പൂജ, വിനീതുമായുള്ള തന്റെ വിവാഹനിശ്ചയം ഒരു അടുപ്പമുള്ള ചടങ്ങിൽ നടന്നതായി സന്തോഷത്തോടെ അറിയിച്ചു.
ഹൃദയസ്പർശിയായ നിമിഷങ്ങളും ചടുലമായ ആഘോഷങ്ങളും നിറഞ്ഞ സന്തോഷകരമായിരുന്നു വിവാഹ നിശ്ചയ ആഘോഷങ്ങൾ. സായി പല്ലവി, പൂജയ്ക്കും വിനീതിനും മറ്റ് കുടുംബാംഗങ്ങൾക്കുമൊപ്പം തന്റെ നൃത്തച്ചുവടുകൾ വീഡിയോയിൽ അവതരിപ്പിച്ചു. സഹോദരങ്ങളും അവരുടെ അടുപ്പക്കാരും ആഘോഷത്തിൽ പങ്കുചേർന്നു.
ഈ കഴിഞ്ഞ ദിവസമാണ് പൂജ തന്റെ ഭാവി വരനെ ആരാധകർക്ക് പരിചയപ്പെടുത്തിയത്. വിനീത് എന്നാണ് സായി പല്ലവിയുടെ അനിയത്തിയെ വിവാഹം ചെയ്യാൻ പോകുന്ന പയ്യന്റെ പേര്. ഇരുവരും ഒരുമിച്ചുള്ള മനോഹരമായ നിമിഷങ്ങൾ പൂജ പങ്കുവച്ചിട്ടുണ്ടായിരുന്നു. പൂജയുടെ വിവാഹ നിശ്ചയത്തിൽ ഏറ്റവും തിളങ്ങിയത് സായി പല്ലവി തന്നെയാണ്. സാരിയിൽ അതിസുന്ദരിയായ ചിത്രങ്ങൾ വൈറലായി കഴിഞ്ഞു. ശിവകാർത്തികേയൻ ചിത്രത്തിലാണ് ഇനി സായി പല്ലവി അഭിനയിക്കുന്നത്.
