ബോളിവുഡ് കിംഗ് ഷാറൂഖാന്റെ ഡങ്കി എന്ന ചിത്രം ഇപ്പോൾ ബോക്സ് ഓഫീസിൽ മികച്ച വിജയം നേടുകയാണ്. ഷാഹ്‌റൂഖിന്റെ പത്താൻ, ജവാൻ തുടങ്ങിയ ചിത്രങ്ങൾ 2023ല്‍ വമ്പൻ കലക്ഷൻ നേടിയിരുന്നു.
ഇപ്പോൾ ഡങ്കിയും ബോക്സ് ഓഫീസ് മികച്ച കളക്ഷൻ നേടുകയാണ്. ഒരുവശത്ത് ഈ ചിത്രം ബോക്സ് ഓഫീസിൽ തരംഗം ആകുമ്പോൾ മറുവശത്ത് വരാനിരിക്കുന്ന ചിത്രങ്ങളെ കുറിച്ച് ആരാധകർക്കിടയിൽ ആകാംക്ഷയുണ്ട്.
2023 വർഷം അവസാനിക്കാൻ ഇനി ഏതാനും ദിവസങ്ങൾ മാത്രം. ഷാരൂഖാന്റെ പത്താൻ എന്ന ചിത്രം 2023 ബോക്സ് ഓഫീസിൽ റെക്കോർഡ് കളക്ഷനുകൾ നേടി, ഈ വർഷത്തെ മികച്ച തുടക്കമാണ് നേടിയത്. അതിനുശേഷം അദ്ദേഹത്തിൻറെ ജവാൻ എന്ന ചിത്രവും പുറത്തിറങ്ങി. ഈ ചിത്രവും ആയിരം കോടിയിലധികം കളക്ഷൻ നേടി.
മൂന്ന് സൂപ്പർ ഹിറ്റ് ചിത്രങ്ങൾ സമ്മാനിച്ച ഷാറൂഖ് അടുത്ത ചിത്രങ്ങളെ കുറിച്ച് പ്രേക്ഷകർക്കിടയിൽ വലിയ ആകാംക്ഷയാണ്. ഷാറൂഖാൻ തന്റെ അടുത്ത ചിത്രത്തിൻറെ ഔദ്യോഗിക പ്രഖ്യാപനം ഇതുവരെ നടത്തിയിട്ടില്ല.
